യുവദീപ്തി ത്രൈമാസികക്ക് 30 വയസ്സ്

കുടശ്ശനാട് സെന്റ് സ്റ്റീഫൻസ് പള്ളിഭഗം യുവജനപ്രസ്ഥാനത്തിന്റെ മുഖപത്രമായ യുവദീപ്തി ത്രൈമാസിക 30 വർഷം പിന്നിടുന്നു. 1984 ൽ കൈയ്യെഴുത്തു പ്രതിയായി ആരംഭിച്ച ഈ മാസിക 1987 ൽ അച്ചടിച്ച് പ്രസ്സിദ്ദീകരണം തുടർന്നു. അന്നത്തെ കാതോലിക്കായും, മലങ്കര മെത്രാപോലീത്തയും ആയിരുന്ന പരിശുദ്ദ ബസേലിയോസ് മാർതോമ്മ മത്യൂസ് പ്രഥമൻ ബാവയാണു ആദ്യ പ്രകാശന കർമ്മം നിർവ്വഹിച്ചത്. പരിശൂദ്ദ പിതാവിനോട് പള്ളിഭാഗം യുവജനപ്രസ്ഥാനത്തിനും, യുവദീപ്തിക്കും ഉള്ള കടപ്പാട് വാക്കുകൾക്കതീതമാണ്. ഈ മാസികയുടെ സുഗമമായ നടത്തിപ്പിനു 1984 ൽ പാസ്സാക്കിയ ഒരു നിയമാവലിയും നിലവിലുണ്ട്. മലങ്കരയിലെ ആദ്യ പ്രഖ്യാപിത പരിശുദ്ദനായ പരിമല തിരുമേനിയുടെ ഓർമ്മക്കായി “ദിവ്യന്റെ പാതയിൽ” എന്ന ഒരു ലഘു സമാഹാരം പരിമല പദയാത്രികർക്കായി ഈ മാസികയുടെ മേൽനോട്ടത്തിൽ പ്രസ്സിദ്ദീകരിച്ചു വരുന്നു